Rusini Grada Zagreba

О нас

На швеце жиє коло милион и пол Руснацох, у Републики Горватскей коло 2500 Руснацох, а у Заґребе нас єст коло 140. Гоч зме у Заґребе мала зеєднїца, успишно чуваме нашу културу, звичаї и язик през рижни програми котри орґанизує Представнїк рускей националней меншини городу Заґребу.

Представнїк роби под Урядом за медзигородске и медзинародне сотруднїтство и промовиранє людских правох городу Заґребу и сотрудзує зоз Координацию ради и представнїка националних меншинох городу Заґребу и зоз Союзом Русинох у Републики Горватскей. Перши раз за Представнїка бул вибрани мр.сц. Ириней Мудри, котри на тей длужносци бул од 2007. по 2019. рок, а вец го нашлїдзел Михайло Тимко. Представнїк традицийно орґанизує святочни Руски бал (на Дзень Представнїка), Дзень Руснацох, вистави, представи, кнїжовни вечари, вилєти и рижни други програми. Нажаль, обставини вязани за пандемию коронавирусу нє допущели нам же бизме 2020. року реализовали принєшену програму, алє у плану маме основац руски хор, течай руского язику за одрослих, нащиви другим заєднїцом Руснацох и други активносци и наздаваме ше же нам обставини допуща. 

Можеце нас провадзиц на http://www.rusini-zg.hr/ и на Фејсбуку „Rusini grada Zagreba“: https://www.facebook.com/rusinizg